111/09/28鄉土領域會議 取得連結 Facebook Twitter Pinterest 以電子郵件傳送 其他應用程式 9月 28, 2022 一、本年度本土領域方向及規劃1. 本土文章選讀賞析2. 生活情境短文創作3. 本土語課程現場甘苦談二、分組安排兩人一組進行分工蒐集資料,依排定時間進行分享及討論三、研習代表111/11/11興穀國小,參加者410王偉庭老師 取得連結 Facebook Twitter Pinterest 以電子郵件傳送 其他應用程式 留言
1120322鄉土領域會議 3月 22, 2023 閩南語領域 ----- 文章創作 後 頭 厝 自從結婚了後,逐年歇熱,我攏愛佮牽手轉去她的後頭厝 — 台南,陪伴丈人丈姆蹛幾若工。逐擺坐火車轉去的時陣,沿路會經過幾若个 磅空 ,火車按磅空駛出的時陣,若像天 拍殕仔光 ,猶會看到一大片 闊莽莽 的稻田,景色誠媠。到台南了後,阮會揣時間四界去 迌,比如去關仔嶺泡 溫泉 、去赤崁樓看古蹟,台南有 豐沛 的歷史人文,四界攏會當看到先民留佇遐的歷史 痕跡 ,是一個足值得觀光的所在。 不而過 ,台北徛慣勢了後,生活步調誠慢的台南,我猶原袂當適應,就按呢通常蹛一个禮拜就會轉來台北矣! 詞解: 磅空 p ō ng-khang :隧道 拍殕仔光 phah-phú-á-kng :黎明 闊莽莽 khuah-bóng-bóng :形容非常遼闊,一望無垠 豐沛 phong-phài :菜餚豐盛 痕跡 hûn-jiah/hûn-liah :事物經過所遺留下來的跡象 不而過 put-jî-kò/put-lî-kò :但是、不過 作者:柯憲明 發表:游軒豪 閱讀完整內容
20181114鄉土領域會議 11月 13, 2018 難忘的校慶 江彥亭 、 蔡慧如 一、 繪本內容大意: 今年的校慶 , 三年仔有一个足特別的多元服裝表演 , 阮班決定欲演 「 Indians 」佮外星人。 校 慶彼工 , 有 「星際大戰」的武士、穿小禮服的公主 佮王子 、「達悟族」的原住民、穿越南彩色長洋裝的人、「阿拉伯」的美女、演日本人的查某囡仔、穿巴西服裝的咧跳熱情的「森巴舞」、海賊隊。 好酒沉甕底,上尾是 阮班的 「 Indians 」佮金光閃閃的外星人。 雖然校慶已經過遐久,毋過,彼擺難忘的表演,永遠留佇阮的記持內底。 二、 造詞練習: 1. 遐 / 遐久 / 遐的 / 遐呢仔 / 遐濟人 2. 佮 / 佮意 / 佮喙 / 食魚食肉,也著菜佮 3. 欲 / 欲暗仔 / 欲死欲活 / 無彼號尻川,想欲食彼號瀉藥 三、 造句練習: 1. 記持 : 你記持誠䆀,隨講隨袂記得。 ( 你的記憶真差,馬上講馬上就忘記了。 ) 2. 遐的 : 遐的桃仔生甲足媠的。 ( 那裡的桃子長得很好。 ) 3. 彼擺 : 彼擺予你閃過,這擺你愛照步來。 ( 那次讓你僥倖避開了,這次你必須按規矩行事。 ) 閱讀完整內容
111/12/14本土領域會議(優良課程計畫發表) 12月 14, 2022 過年 欲過年矣,規條迪化街人 實捅捅 ,五花十色的年貨滿滿是,遮喝 : 「來買甜粿、發粿,予恁趁錢趁 家伙 ! 」遐喝 : 「糖仔、餅仔、魷魚絲,試吃攏免錢 ! 」逐家一塊吞落喉、一塊提佇手裡,食甲真歡喜。我佮阿母款一大堆,欲來高雄阿公遐過年。 轉到厝,逐家無閒咧摒掃,阿公講 : 「大摒厝才會富」。阿叔咧貼春聯,我緊共佇學校寫的「新年快樂、恭喜發財」提出來展寶。 阿叔講 : 「哇 ! 有夠媠 ! 若咧畫土符仔咧 ! 」伊看著我一个仔面膨獅獅,才緊講 : 「佮你 滾笑 的啦 ! 」 阿媽佮阿母佇灶跤別攢好料的,我去鬥相仝,小妹一直佮我相爭做,無細膩煞俥倒水,顛倒纏跤跘手予人趕出來,阮規氣佇門口袁走相逐,覕相揣,連阿叔飼的彼隻狗,嘛綴阮傱來傱去,耍甲真歡喜。 廿九暝,阮一家伙仔做伙食 腥臊 講好話,阿媽說 : 「圍爐坐予圓圓圓,平安幸福好過年 ! 」我嘛講 : 「食柑桔大吉大利 ! 」 紲落去,阿公阿媽提紅包共阮硩年,講 : 「予恁平安敖大漢,考試考第一。」我佮小妹嘛祝阿公阿媽身體勇健食百二,話一下講煞,阮隨就走去邊仔偷偷仔算看紅包有幾包?一包、兩包、三包,哇 ! 攏總有六包呢 ! 真正 卯死 矣 ! ◎實捅捅 : 塞得很滿 ◎家伙 : 財產 ◎滾笑 : 開玩笑 ◎腥臊 : 菜色豐盛 ◎卯死 : 賺到了 閱讀完整內容
留言
張貼留言