20190529鄉土領域會議
相招來食茶 見擺轉去下港外公 兜，逐工食早頓了後，外公攏會坐佇客廳，泡一鈷茶米茶，佮阮那啉茶那開講。 我問外公：「是按怎食飯飽就愛啉茶？」外公干焦笑笑摸我的頭，講：「按呢對身體較好啊！」聽外公按呢講，我猶是捎無頭摠，毋知啉茶佮身體好有啥物關係？ 為著欲予我對茶葉的傳統文化有閣較深入的了解，阿母 𤆬 我和小弟去拜訪伊開茶莊的好朋友。 頭家阿叔先共阮解說做茶的六个基本步：發酵、焦蔫、殺青、撋茶、燥焦、烘焦，其中，因為發酵的時間佮程度的無仝，閣會使共茶葉分做生茶、半生茶和熟茶三種。平常時咧啉的紅茶算熟茶，賰的大部分攏算是半生茶，原來予人看袂上目的茶葉，竟然有遮濟學問。 紲落去閣共阮解說泡茶的步數：「一般來講，第一泡茶是無咧啉的，攏是 the̍h 來共茶鈷佮茶甌溫燒的。第一泡茶泡好，會先倒入去勻杯內底，啉茶的人才閣共茶倒入去杯仔裡，了後才共勻杯 the̍h 起來鼻茶芳。」啉茶的時，袂使一睏仔就共茶啉予焦，愛分幾若喙勻勻仔啉，感受伊的喉韻。聽到遮，我才知影：原來啉茶的學問是遮爾仔深。 頭家阿叔閣講，茶葉的採收方法、產地佮海拔的懸低會影響茶葉的好 䆀 佮價數。市面上，阿里山、杉林溪、梨山、大禹嶺的茶較有名，毋過，咱新北市坪林的文山包種茶、三峽的碧螺春和石門的鐵觀音嘛是好啉甲會紲喙，完全袂輸人。 經過一天的洗禮，我佮小弟對茶業有較深的認捌矣，阮嘛想欲揣一工仔好天，請阿爸駛車載阮去坪林茶業博物館參觀喔！ 二、造詞練習： 1. 𤆬 / 𤆬 頭 / 𤆬 路 / 相 𤆬 2. 撋 / 撋衫 / 撋麵粉 / 盤撋 3. 䆀 / 䆀 才 / 袂 䆀 / 起毛 䆀 三、造句練習： 1. 認捌： 愛 先 學 咱 的 母 語 ́ ， 才 閣 認 捌 別 種 的 話 語。 2. 紲落去：代誌已經按呢生矣，紲落去欲按怎咧？ 3. 捎無頭摠：伊講規晡，我嘛是捎無頭摠。