20210414領域會議
傳 承 兩甲子的愛 阿爸阿母 ! 今仔日是阿兄 𪜶 學 校 一百二十 歲 的生日 , 我 們 趕 快 出門去參 觀 啦 ! 哇 哇大叫 學 校 有夠 鬧 熱的 ! 台仔頂有人咧跳 舞 呢 ! 這條歌我嘛會曉唱呢 ! 阿母 ! 𪜶 提彼是啥 ? 彼是人送阮學 校 的 壽 桃佮狀 元帽 。 阿爸 ! 𪜶 搝彼欲創啥 ? 這 堵 壁是 120 年校慶的紀念牆 , 是阮全校師生佮志工親手揑的 瓷仔 , 你會使 揣 恁阿兄的作品 , 佮伊做伙 翕相 喔 ! E ──哪有慈濟的志工咧 ? 這是學校特別邀請 𪜶 來遮設 擔仔位 , 欲推廣資源分類回收 。 二樓猶有展覽會當參觀 , 有鄧麗君特展、楊三郎油畫展佮陶藝展 , 逐項攏足精彩喔 ! 感謝逐家今仔日來參加這場友善環境的慶祝活動。過去咱的老祖先用上環保的方法 , 順應大自然的環境來開發蘆洲 , 向望咱遮的囝孫仔 , 會當 延續 𪜶 的精神 , 佇生活中紲手做環 保 , 予這份疼 惜 土地的愛 , 毋但傳 承 120 年 , 閣會當 200 年、 300 年、永 遠 傳 承 落去 ！ 語詞 𪜶 —他們 翕相 — 照 相 瓷仔 — 陶瓷器 擔仔位 — 攤 位 造句 瓷仔 — 彼堵「 120 年紀念牆」，壁堵頂懸 ， 阮全校師生揑的瓷仔。