20181017鄉土領域會議

𨑨迌物仔總動員

一、繪本內容大意：

   歇熱是阿弟仔上歡喜的日子，會使自由自在耍電動，逐工無煩無腦，食甲親像阿不倒，阿公講雖然外口日頭赤焱焱，毋過囡仔人嘛袂使透日佇厝裡看電視吹冷氣，來，我𤆬你去一個好所在踅踅咧。

　　原來，板橋有一個尪仔物博物館，內底展誠濟較早的𨑨迌物仔，毋但會當予序大人數念囡仔時代，嘛會使予囡仔人有快樂的囡仔時。

　　較早的𨑨迌物仔，攏是生活用品閣再利用，代表先人的智慧佮創意，古早人生活較艱苦，囡仔人想欲愛𨑨迌物仔就愛儉腸凹肚，廢物利用家己做，定定攏愛激頭腦，猶毋過這馬的囡仔，３Ｃ手機仔滿滿是，規日掰手機仔，目晭對細漢就歹去。

　　新北市佇歇熱的時，為著欲予囡仔一個快樂的囡仔時，毋但有兒童藝術節的活動，猶有足濟好耍的𨑨迌物仔會使ＤＩＹ，阿弟仔講出來行行看看咧，有影比規工守佇厝內較心適閣較有意義。

　

二、造詞練習：

1.歇/歇熱/歇寒/歇睏/歇晝/歇喘

2.覕/覕雨/覕相揣

3.佇/佇咧/讀冊，讀佇尻脊骿

4.𤆬/相𤆬/𤆬路/歹𤆬頭/𤆬路雞

 

三、造句練習：

1.𨑨迌物仔：囡仔人愛耍𨑨迌物仔。

2.儉腸凹肚：我儉腸凹肚，就是為著欲買厝。

3.心適：今仔日你去𨑨迌，有心適無？